“الأنيميا عند الأطفال “
كتب: دكتور/ محمد مسعد عبدالله
◇◇◇◇◇◇◇
⬅️مهم لكل أم و أب انهم يطمنو دائماً على مستوى هيموجلوبين الدم عند اطفالهم لأسباب كتير هيتم سردها لاحقاً
⬅️كمان مهم جدا جدا انهم يعرفوا ان الأنيميا او نقص الهيموجلوبين ده انواع مختلفه و كل نوع له طريقة علاجه ، ده عشان مفيش أم او أب يستسهلو و يستشيرو صيدلي او معمل في علاج الأنيميا
و إن العلاج لازم يكون عن طريق طبيب الأطفال المتخصص
⛔️أولا ماهي الأنيميا ، و ما أهمية متابعتها عند الأطفال ؟
⬅️ الأنيميا هي نقص هيموجلوبين الدم المتواجد داخل كرات الدم الحمراء
⬅️ أهمية متابعة مستوى هيموجلوبين الدم عند الأطفال من اهم مايمكن لأن نقص الهيموجلوبين او الأنيميا بيقلل من تركيز الأطفال و قدرتهم على التحصيل الذهني و الدراسة،
و كثير من الأطفال يملكون قدرات عقلية هائلة لكن تم طمسها بسبب اهمال اهلهم في متابعة انخفاض هيموجلوبين الدم عندهم
⛔️ثانياً لماذا يجب ان نستشير طبيب الأطفال فقط في علاج الأنيميا ؟
↩️الأنيميا انواع
1. انيميا الفقد: و دي بتحصل بسبب حدوث أي نزيف، حتى ولو كان بسيط زي وجود بواسير او قرحة معدة او اي سبب لنزول الدم حتى ولو قطرة واحده لكنها مستمرة
2. انيميا النقص: و دي بتكون بسبب نقص بعض العناصر عند الأطفال زي نقص الحديد، الفوليك اسيد ، و فيتامين ب ١٢
3. انيميا تكسيرية: و دي بتحصل بسبب حدوث تكسير في كرات الدم الحمراء وخروج الهيموجلوبين منها لأسباب مختلفة زي انيميا الفول او انيميا البحر الأبيض المتوسط
4. انيميا الخلايا المنجيلية: و دي بيتغير فيها شكل كرات الدم الحمراء من الشكل الطبيعي الى الشكلى الهلالي فمتقدرش تقوم بوظيفتها لكل نوع انيميا وله علاجه المختلف تماماً عن الأنواع الأخرى، بل ان اعطاء الحديد في بعض حالات الأنيميا يزيد حدوث تكسير في كرات الدم الحمراء فيزيد الأنيميا
♦️لذلك ننبه دائماً على الآباء و الأمهات ان يكون علاج الأنيميا عند الطبيب المختص بعد التشخيص السليم في معمل ثقه يستطيع فحص الدم و تشخيص نوع الأنيميا بدقة ‼️
💢أدام الله صحة اطفالنا بخير 👋
مع خالص تمنياتي لكم جميعا بالشفاء ♦️دكتور/ محمد مسعد عبدالله
اخصائي التحاليل الطبية
عضو الجمعية الأمريكية للميكروبيولوجي ASM
